स्कूल बस- पिकअप ची समोरासमोर धडक ; २८ शेतमजूर महिला जखमी
(आशिष धनजोडे)
साळवा :- तालुक्यातील साळवा ते हुडपा मार्गावर स्कूल बस व मजूर वाहतूक करणाऱ्या पिकअप वाहनाची समोरासमोर धडक झाल्याने दोन्ही वाहने दुर्घटना ग्रस्त झाले आहेत. पिकअप मधील २८ महिला शेतमजूर जखमी झाल्या असून सुदैवाने स्कूल बस खाली असल्याने मोठा अनर्थ टळला आहे.
गुरुवारी सकाळी ७ वाजताच्या दरम्यान तालुक्यातील जीवनापूर येथील २८ शेतमजूर महिला मौदा तालुक्यातील आजनगाव येथे धान रोवणीसाठी चालक मालक दिनेश कडूकार यांच्या पिकअप वाहनाने साळवा मार्गे जात होते. दरम्यान माथनी येथील कॉन्वेंटची स्कूलबस मांढळ येथे विद्यार्थी घेण्यास जात असताना साळवा-हुडपा मार्गावर स्कूल बस व पिकअप यांच्यात समोरासमोर धडक झाली. यात पिकअप मधील मजूर महिला जखमी झाल्या तर पिकअप चालक कडूकार हे गंभीर जखमी झाल्याची माहिती आहे. जखमींना तत्काळ प्राथमिक उपचारासाठी साळवा येथील प्राथमिक आरोग्य दाखल करण्यात आले व तेथून कुही येथील ग्रामीण रुग्नालयात रुग्नवाहीकेने रेफर करण्यात आले आहे.
घटनेची माहिती मिळताच संजय मेश्राम यांनी ग्रामीण भेट दिली होती.
