मुख्यमंत्री-माझी लाडकी बहीण योजनेत कुही तालुक्यात 20497 महिलांचे अर्ज प्राप्त
कुही : राज्य शासनाच्या ‘मुख्यमंत्री माझी लाडकी बहीण’ या महत्त्वाकांक्षी योजनेसाठी कुही तालुक्यात आतापर्यंत एकूण 20497 पात्र लाभार्थी महिलांनी अर्ज भरले आहे.
तालुक्यात दि. 4 ऑगस्ट, 2024 पर्यंत साळवा ,सिल्ली , मांढळ,तितूर,पचखेडी ,वेलतुर आदी सर्कल मधील १६७ अंगणवाडी केंद्र व ५९ ग्रामपंचायत मधून एकूण 20497 लाभार्थी महिलांचे अर्ज प्राप्त झाले आहेत. या प्राप्त अर्जाची छाननी करुन अप्रोल देण्याचे काम सुरु आहे. तालुक्यात आतापर्यंत ७१०५ अर्जावर अप्रोल देण्यात आले आहे.
ग्रामीण भागातील जास्तीत जास्त पात्र महिला लाभार्थ्यांनी या योजनेचा लाभ घेण्यासाठी जिल्हा परिषदेच्या महिला व बालकल्याण विभागाच्या वतीने जिल्ह्यातील सर्व बाल विकास प्रकल्प अधिकारी, पर्यवेक्षिका, अंगणवाडी सेविका यांच्याशी संपर्क साधून अर्ज भरावेत.
“मुख्यमंत्री – माझी लाडकी बहीण” योजनेंतर्गत महिला लाभार्थ्यांचे अर्ज भरण्याची प्रक्रिया अधिक सुलभ होण्यासाठी www.ladkibahin.maharashtra.gov.in हे संकेतस्थळ दि.1 ऑगस्ट पासून सुरु करण्यात आले आहे,
ज्या लाभार्थ्यांनी “नारी शक्ती दूत” ॲपवर अर्ज भरले आहेत त्यांना पुन्हा या पोर्टलवर अर्ज भरण्याची गरज नाही. ज्या पात्र इच्छुक महिला लाभार्थांनी अद्याप अर्ज भरलेले नाहीत त्यांनी www.ladkibahin.maharashtra.gov.in या संकेतस्थळावर जाऊन आपले अर्ज भरावेत, असे आवाहनही करण्यात आले आहे.



