कुही:- पोलीस स्टेशन कुही हद्दीतील मौजा मोहदरा येथे एका युवकाने दारूच्या नशेत स्वतःच्या शेतात विषारी कीटकनाशक प्राशन करत आत्महत्या केल्याची घटना घडली आहे. अभय अशोक मूल वय-27 रा.मोहदरा असे कीटकनाशक प्राशन करून आत्महत्या करणाऱ्या युवकाचे नाव असून त्याला नियमित दारू पिण्याची सवय होती. त्याच्या दारू सेवनाने घरचेही कंटाळून होते व त्याला वारंवार दारू सोडण्याचे सांगत होते.मृतक हा मंगळवारी रात्री नेहमीप्रमाणे दारू पिऊन आला व दारूच्या नशेतच त्याने अंदाजे रात्री 9 च्या सुमारास स्वतःच्या शेतात जाऊन फवारणी मारण्याचे कीटकनाशक प्राशन केले व त्यातच त्याचा मृत्यू झाला. घटनेची माहिती मिळताच कुही पोलीस घटनास्थळी दाखल झाले असून या मृतदेह उत्तरीय तपासणी साठी कुही येथे पाठवण्यात आला. या घटनेचा अधिक तपास कुहीचे प्रभारी ठाणेदार दीपक अग्रवाल यांच्या मार्गदर्शनाखाली पोउपनी स्वप्नील गोपाले, पोह ओमप्रकाश रेहपाडे, अनिल करडखेळे करत आहेत.
