बांगलादेशातील हिंदूंवरील अत्याचाराच्या विरोधात भव्य मोर्चा
कुहीत सकल हिंदू समाज मोठ्या संख्येने सहभागी
कुही :- बांगलादेशा मध्ये झालेल्या सत्तातरानंतर त्या ठिकाणी अल्पसंख्याक असलेल्या हिंदूंवर मोठ्या प्रमाणात अत्याचार करण्यात येत असल्यामुळे त्याच्या निषेधार्थ दिनांक 10 डिसेंबर रोज कुही शहरातून भव्य मूकमोर्चा काढण्यात आला यावेळी मोर्च्यात युवकांची उपस्थिती लक्षणीय होती.

बांगलादेशात सत्तातर झाल्या पासून कट्टरपंथीय लोकांनी अल्पसंख्याक असलेल्या हिंदू समाजाला टार्गेट करणे सुरू केले आहे.यात मोठ्या प्रमाणात अत्याचार करण्यात येत आहेत परिणामी हिंदू भयभीत झाले. त्यातच कट्टरपंथी नेते बेताल वक्तव्य करून हिंदू विरोधी भडकवत आहेत यामुळेच अनेक हिंदू लोकांनी मृत्यूला कवटाळले असल्याच्या घटना समोर आल्या आहेत. म्हणून शहरातील सकल हिंदू समाज एकत्र येत भव्य न्याय मूक मोर्चाचे आयोजन करण्यात आले होते. हा मूक मोर्च्या भारत माता चौकातुन निघत बाजार चौक, शारदा चौक,गणेश चौक, डॉ.बाबासाहेब आंबेडकर चौक, टी पोइंट येथून थेट तहसील कार्यालया समोर पोहचला. यावेळी सकल हिंदू समाजाच्या वतीने मोर्चाचे रूपांतर मिनी सभेत झाले. यावेळी अनेकांनी आपापली मनोगत व्यक्त केली. दरम्यान तहसीलदारांना विविध मागण्यांचे निवेदन देण्यात आले या मोर्च्यात युवकांची संख्या लाक्षणिक होती. यावेळी कायदा व सुव्यवस्था अबाधित राहावी यासाठी पोलीस निरीक्षक भानुदास पिदुरकर यांनी चोख बंदोबस्त ठेवला होता. या मोर्चात सामाजिक कार्यकर्ते प्रमोद घरडे, नगरसेवक निखील येळणे,सौरभ दंडारे, खुशाल लांजेवार, हुकूमचंद लांबाडे, मिलिंद लुटे, सुरज देशमुख, संकेत खतवार, शुभम हटवार, स्वप्नील लेंडे, विशाल डहाके, प्रकाश इटनकर, आयुष लांजेवार सह शहरातील नेते मंडळी व युवक मोठ्या संख्येने उपस्थित होते.



