युवतीचे अश्लिल व्हिडिओ इंस्टाग्राम वर व्हायरल करणाऱ्या आरोपी युवकास अटक
भिसी : मागील तिन वर्षांपासुन युवतीला प्रेम जाळ्यात ओढून सतत तिच्यावर अत्याचार केले व ९ ऑगस्ट रोजी युवतीचे अश्लील व्हिडीओ बनवून इंस्टाग्राम वर अपलोड करणार्या आरोपीला पिडीत मुलीच्या फिर्यादीवरुन भिसी पोलीसांनी अटक केली. अटक करण्यात आलेल्या युवकाचे नाव राकेश कैलास चौधरी (२२) असे आहे
भिसी पोलीस ठाण्याअंतर्गत येणार्या वाढोणा येथील राकेश कैलास चौधरी याचे गावातीलच एका १९ वर्षीय युवतीशी प्रेमसंबंध जुळले. मागील तिन वर्षांपासुन तो युवक प्रेमाच्या नावाखाली युवतीवर अत्याचार करीत होता. दरम्यान आरोपी युवकाने पिडीत युवतीला न सांगता तिचे अनेक अश्लील व्हीडीओ बनविले. नंतर अनेकदा अश्लील व्हीडीओ चा धाक दाखवून अत्याचार केला. आरोपीने युवतीचे अश्लील व्हीडीओ इंस्टाग्राम वर अपलोड करून युवतीची बदनामी केली.
सदर बाब युवतीच्या लक्षात येताच युवतीने आपल्या पालकांना सोबत येऊन आरोपी राकेश विरुध्द भिसी पोलीस ठाण्यात तक्रार दाखल केली. घटनेचे गांभिर्य लक्षात घेता लगेच वाढोना गावातून आरोपीला अटक केली. भिसी पोलीसांनी आरोपी विरूध्द बलात्कार, अॅक्ट्रॉसिटीसह विविध कलमाअंतर्गत गुन्हा नोंदविला. सदर गुन्ह्याचा पुढील तपास भिसी पोलीस करीत आहेत.
