दुचाकींची समोरासमोर जबर धडक
अपघातात एकाचा उपचारा दरम्यान मृत्यू तर दुसरा गंभीर
कुही :- शहरातील मुख्य मार्गावर पंचायत समिती समोर विरुद्ध दिशेने येणाऱ्या दोन दुचाकींमध्ये जोरदार धडक झाल्याने या धडकेत जखमींना नागपूर येथे रेफर करण्यात आले होते. यातील एका युवकाचा उपचारादरम्यान मृत्यू झाला असून दुसरा गंभीर जखमी आहे. तर एक किरकोळ जखमी असल्याची माहिती आहे.
शहरातील मुख्य मार्गावरील वळणावर पंचायत समिती समोर विरुद्ध दिशेने येत असलेल्या हिरो होंडा स्प्लेंडर व अँक्टीवा या दोन्ही भरधाव दुचाकींची समोरासमोर जोरदार धडक झाली. या धडकेत दोन्ही दुचाकी चालक मोठ्या प्रमाणावर गंभीर जखमी झाले. स्थानिकांनी जखमींना तात्काळ कुही येथील ग्रामीण रुग्णालयात दाखल करण्यात आले. अपघातात जखमी 2 युवक गंभीर जखमी, एक मुलगी किरकोळ जखमी असल्याने यांना तात्काळ नागपूर येथे रेफर करण्यात आले. विशेष म्हणजे अपघातात हिरो होंडाचा दुचाकीस्वाराच्या चेहऱ्यावर मोठ्या प्रमाणावर मार लागल्याने त्याची ओळखच पटत नव्हती शेवटी त्याच्या गाडी क्रमांकावरून त्याचा पत्ता लावला असता तो वरंभा, ता.कामठी येथील अमोल केवळराम वनवे हा असल्याचे निष्पन्न झाले. तर दुसरा अँक्टीवा चालक युवक हा कुही येथील मनीष तळेकर हा सुद्धा गंभीर जखमी झाला होता व एक मुलगी किरकोळ जखमी झाली होती. जखमींना तात्काळ नागपूर येथे रेफर केले असता आज उपचारा दरम्यान मनीष तळेकर याचा मृत्यू झाला आहे.तर अमोल वनवे हा गंभीर असल्याचे कळले. मनीषच्या अपघाती निधनाने कुही शहरात हळहळ व्यक्त केली जात असून अपघातांच्या सत्रांमुळे शहरासह कुही तालुका हादरला आहे.
