वीज कोसळल्याने 10 शेळ्यांचा मृत्यू ; चन्ना शिवारातील घटना
कुही:- तालुक्यातील चन्ना शिवारात चरत असलेल्या शेळ्यांच्या कळपावर अचानक वीज कोसळल्याने कळपातील चक्क 10 शेळ्यांचा मृत्यू झाला असून यातील 12 शेळ्या गंभीर जखमी झाला आहेत. शेळीमालकाचे मोठे आर्थिक नुकसान झाले आहे.
बुधवारी सायंकाळी 4.15 च्या सुमारास तालुक्यात सर्वत्र विजांच्या कडकडाट व पावसाला सुरुवात झाली. त्या दरम्यान चन्ना शिवारात बलदेव मोतीराम नान्हे यांच्या 60 च्या जवळपास शेळ्याचा कळप चरत होता. अचानक वीज कोसळल्याने 10 शेळ्या मृत्यूमुखी पडल्या तर 12 शेळ्या गंभीर जखमी आहेत.विशेष म्हणजे विजेच्या धक्क्याने काही प्रमाणत ते सुद्धा जखमी झाले आहेत. बलदेव नान्हे यांचे अंदाजे दीड लाख रुपयांच्या वर आर्थिक नुकसान झाले आहे. तेव्हा शासनाने तत्काळ मदत करण्याची मागणी त्यांनी केली आहे.
