कुही-नागपूर रोडवर दुचाकी स्लीप झाल्याने अपघात
अपघातात विद्यार्थी गंभीर जखमी
कुही :- तालुक्यातील नागपूर ते कुही मार्गावर सकाळी ७ च्या सुमारास माळणी वरून कुहीकडे येत असलेल्या विद्यार्थ्याचा दुचाकी स्लीप झाल्याने भीषण अपघात झाला असून या अपघातात विद्यार्थी गंभीर जखमी झाला आहे.
कुही येथील मिशन इंडिया विद्यानिकेतन कॉन्वेंटचा 10 वि चा विद्यार्थी असित सुखदेवे हा सकाळी ७ च्या सुमारास ट्युशन क्लास करिता मोपेट दुचाकीने कुही कडे येत असताना माळणी नजीक एका वाहनाला पोल्त्रीफार्म नजीक टर्निंग वर ओव्हरटेक करण्याचा प्रयत्नात असताना त्याची दुचाकी स्लीप झाली. यात तो गंभीर जखमी झाला. विशेष म्हणजे रस्त्याने जात असलेल्या काही शिक्षकांनी तो अपघात पाहिला व त्याला तत्काळ त्यांच्या कार मधून कुही येथील ग्रामीण रुग्नालयात दाखल केले. विद्यार्थ्याची गंभीर जखमी असल्याने डॉक्टरांनी प्राथमिक उपचार करून नागपूर येथे रेफर केल्याची माहिती आहे.
