काँग्रेसची 14 उमेदवारांची यादी जाहीर
संजय मेश्राम यांना उमरेड मधून उमेदवारी जाहीर
नागपूर:-गेल्या काही दिवसांपासून उमरेड विधानसभा बाबत अनेक तर्क वितर्क लावण्यात येत होते.त्यात महायुती व महाआघाडी तर्फे उमरेड विधानसभा होल्डवर ठेवली असल्याचे बोलले जात होते. विशेष म्हणजे मुख्यतः काँग्रेसतर्फे संजय मेश्राम, मिलिंद सुटे व दर्शनी धवड यांची नावे आघाडीवर होती. मात्र उमरेड अखेरीस महाआघाडी तर्फे सर्व चर्चांना पूर्णविराम देत काँग्रेस पक्षाच्या चौथ्या यादीत उमरेड विधानसभा येथून संजय मेश्राम यांना उमेदवारी घोषित केली आहे.
विधानसभा निवडणुकीसाठी काँग्रेसने आपली चौथी यादी जाहीर केली आहे. चौथ्या यादीत 14 उमेदवारांची नावे जाहीर करण्यात आली आहे. यात उमरेड मधून संजय मेश्राम, वरोरा मधून प्रवीण खाडे, बल्लारपूर मधून संतोष सिंग रावत तर चंद्रपूर येथून प्रवीण पडवेकर यांना उमेदवारी जाहीर..
तसेच मुंबईच्या अंधेरी पश्चिम विधानसभा मतदारसंघातून काँग्रेने उमेदवार बदलला आहे. येथून काँग्रेसने सचिन सावंत यांना उमेदवारी जाहीर केली होती. मात्र सावंत यांना वांद्रे पूर्व विधानसभा मतदारसंघातून निवडणूक लढवण्याची इच्छा असल्याने त्यांनी नाराजी व्यक्त केली होती. यानंतर आता अंधेरी पश्चिम येथून पक्षाने अशोक जाधव यांना उमेदवारी जाहीर केली.
