बेपत्ता तरुणाचा पाण्याच्या ढोल्यात आढळला मृतदेह
दोन दिवसांपूर्वी घरून निघून गेला होता
कुही:- तालुक्यातील मौजा तितुर येथील युवक गुरुवारी सायंकाळच्या सुमारास घरून निघून गेल्याने घरच्यांनी त्याचा शोधाशोध घेतला असता त्याचा गावानजीक पाण्याच्या ढोल्यात मृतदेह आढळून आला आहे.
मुकेश ठाकरे ( वय 38) रा.तितुर हा गुरुवारी सायंकाळ पासून गायब होता. रात्री उशिरा पर्यंत तो घरी न आल्याने घरच्यांनी त्याला फोन केला असता फोन उचलत नसल्याने त्याचा गावात शोधाशोध घेतला मात्र तो मिळून आला नाही. शुक्रवारी सायंकाळच्या सुमारास गावातील एका व्यक्तीला गावच्या बाहेरील नागनदी नजीक पाण्याच्या ढोल्यालगत मुकेशचे कपडे दिसून आले. लागलीच पोलिसांना याची माहिती देण्यात आली. नागरिकांच्या मदतीने मृतदेह बाहेर काढत कुही येथील ग्रामीण रुग्णालयात शव विच्छेदन करिता पाठविण्यात आला. मृतक हा काही दिवसांपासून आजारी असून त्याच कारणाने त्याने आत्महत्या केली असावी असा अंदाज व्यक्त केला जात आहे.
