टेबल फॅनचा करंट लागून वृध्द दाम्पत्याचा मृत्यू
पंचक्रोशीत हळहळ
कुही :- तालुक्यातील मौजा खरबी येथील वृध्द टेबल फॅन सुरु करताना अचानक करंट लागल्याने पंख्याला चीटकला त्याला वाचवण्याचा प्रयत्नात पतीलाही करंट लागला. यात दोघांचाही जागीच मृत्यू झाल्याची माहिती आहे.
स्थानिकांनी दिलेल्या माहितीनुसार खरबी येथील वृद्ध दाम्पत्य शेतातून घरी परत आले. काही वेळाने पंखा सुरु करण्यासाठी पती कंठीराम सोमा वैद्य (वय-६५) हे पंख्याजवळ जाऊन पंखा सुरु करत असताना त्यांना पंख्याचा करंट लाऊन जोरदार धक्का बसला त्यांना वाचवण्याच्या प्रत्यानात असताना पत्नी लक्ष्मी कंठीराम वैद्य (वय ६०) त्यांनाही करंट लागून जोरदार धक्का बसला यात दोघेही खाली पडले . काही वेळातच लहान नातू खेळायसाठी आजोबांच्या घरी आला असता त्याला आजी-आजोबा खाली पडून दिसले त्याने घरच्यांना माहिती दिली. लागलीच घरच्यांनी येऊन पाहिले असता दोघांनाही पंख्याचा करंट लागल्याचे दिसून आले. दोघांनाही तत्काळ कुही येथील ग्रामीण रुग्नालयात घेऊन येत डॉक्टरांनी तपासणी करत दोघांनाही मृत घोषित केले. घटनेची माहिती मिळताच कुहीचे ठाणेदार भानुदास पिदुरकर यांनी घटनास्थळी भेट दिली असून या घटनेमुळे पंचक्रोशीत हळहळ व्यक्त केली जात आहे.
