चारचाकी वाहनाची दुचाकीला जबर धडक
दोघे गंभीर तर एक किरकोळ जखमी
कुही:- तालुक्यातील कुही वदोडा मार्गावर दुचाकी व चारचाकीचा भीषण अपघात झाला असून यात दुचाकीवरील तिघांपैकी दोघे गंभीर जखमी झाले असून एकाला किरकोळ मार लागल्याची माहिती असून जखमींना नागपूर येथे रेफर करण्यात आले आहे.
बुधवारी (दि.02) ला 10 वाजताच्या कुही ते वदोडा मार्गावरील मौजा सावळी नजीक कुही वरून वदोडा कडे जाणाऱ्या दुचाकीचा विरुद्ध दिशेने येणाऱ्या चारचाकी कार सोबत जबर धडक झाली यात दुचाकीवरील तिघे जबर जखमी झाले आहेत. दुचाकीस्वार हे नागपूर पारडी येथे कामानिमित्य जात असताना विरुद्ध दिशेने येत असलेल्या एमएच एच २१४४ या कारने जबर धडक दिली. यात तालुक्यातील मौजा-हुडपा येथील दुचाकीस्वार अनुप संदोरकर व कविता संदोरकर या गंभीर जखमी झाल्या असून अक्षय विजय कडव हा किरकोळ जखमी झाला आहे. जखमींना तत्काळ ग्रामीण रुग्णालयात दाखल करत तेथून नागपूर रेफर करण्यात आले. कुही पोलिसांनी आरोपी कार चालकाविरुद्ध गुन्हा दाखल करण्यात आला आहे.
