भरधाव चारचाकीची दुचाकीला जबर धडक
तिघे गंभीर जखमी
कुही :- तालुक्यातील कुही पोलीस ठाण्याच्या हद्दीत येणाऱ्या मौजा- कटारा बस स्थानकापासून काही अंतरावर दुचाकीने चारचाकीला जबर धडक दिल्याने यात दुचाकीवरील 3 गंभीर जखमी झाले असून जखमींना तत्काळ नागपूरला रेफर करण्यात आले आहे.
रविवारी (दि.०६) सायंकाळच्या सुमारास कुही-आंभोरा रोडवर मांढळ वरून कटारा येथे परत जात असताना विरुद्ध दिशेने येणाऱ्या कारने दुचाकीला समोरासमोर जबर धडक दिली. यात दुचाकीवरील देवनाथ ठवकर, मनोज बांते , जयदेव शेंडे तिघेही रा.कटारा (ता.कुही) हे गंभीर जखमी झाले. जखमींना तत्काळ कुही येथील ग्रामीण रुग्नालयात दाखल करण्यात आले. व तेथून त्यांना नागपूर येथे रेफर करण्यात आले आहे. आरोपी कार चालकाविरुद्ध कुही पोलिसांनी गुन्हा नोंद केला असून याचा पुढील तपास ठाणेदार भानुदास पिदुरकर यांच्या मार्गदर्शनाखाली कुही पोलीस करत आहेत.
