भरधाव ट्रकसोबत दुचाकीची धडक ; दुचाकीचालकाचा उपचारादरम्यान मृत्यू
कुही:- पोलीस स्टेशन कुही हद्दीत येणाऱ्या खापरी फाटा येथे नागपूर वरून येत असलेल्या व दिशादर्शक न दाखवता वळण घेतल्याने टिप्पर व मोटारसायकल ची धडक झाली यात दुचाकीचालक गंभीर जखमी झाला असून उपचारादरम्यान त्याचा मृत्यू झाला आहे.
नागपूर वरून भरधाव वेगाने येणाऱ्या टिप्पर क्र. एमएच 36 एफ ४०५७ याच्या चालकाने टिप्परला खापरी फाट्यावर वळण घेताना दिशादर्शक न दाखवल्याने उमरेड ते नागपूर मार्गे जाणारी मोटरसायकल क्र. एमएच 34 एएस 4366 ही दुचाकी टिप्परला मधोमध धडकली. यात दुचाकी चालक गणेश धुर्वे रा. खडकी हा जबर जखमी झाला. जखमीला तात्काळ नागपूर येथे शासकीय मेडिकल कॉलेज येथे दाखल करण्यात आले. यात उपचारादरम्यान गणेश धुर्वे याचा मृत्यू झाला असून बेजबाबदारपणे वाहन चालवणाऱ्या टिप्पर चालक गोरखनाथ श्रावण बाहे याचे विरुद्ध कुही पोलीस स्टेशन येथे गुन्हा दाखल करण्यात आला आहे.
