अवैध जुगार अड्ड्यावर धाड टाकत 6 जणांवर कारवाई
पेट्रोलिंग दरम्यान कुही पोलिसांची कारवाई
कुही:- कुही पोलीस ठाणे हद्दीतील येणाऱ्या मौजा अडम येथे ताश पत्त्यांवर पैसे लावून अवैध जुगार खेळणाऱ्या 6 जणांवर कुही पोलिसांनी कारवाई केली आहे.
मंगळवारी (दि.10) रोजी पेट्रोलिंग दरम्यान कुही पोलिसांना खात्रीशीर बातमीदारकडून मिळालेल्या गुप्त माहितीनुसार मौजा- अडम येथे काहीजण 52 पानाच्या तासपत्ती वर पैसे लावून जुगार खेळत असल्याची माहिती मिळाली.लागलीच कुही पोलिसांनी धाड टाकली असता त्या ठिकाणी 6 जण 52 पानाच्या तासपत्त्यांवर पैसे लावून जुगार खेळतांना दिसून आले. पोलिसांनी आरोपींकडून 52 तासपत्यांसह डावावरील रक्कम व नगदी असा एकूण 1850 रुपयांचा माल मिळून आल्याने जप्त केला आहे. पोलिसांनी जुगार खेळणारे १)दर्शन प्रकाश खराबे (वय २८), २)चेतन देवराव रार्घोते (वय-२८) ,३)राहुल अरूण मेश्राम (वय ३०) ,४)प्रल्हाद ताराचंद पिंगळे (वय ५५), ५) बारसीराम मोळकु अतकरी (वय ५६), ६)राजु नारायण नागोसे (वय ३१) सर्व रा.अडम ता. कुही जि. नागपुर यांच्या विरुद्ध गुन्हा दाखल केला असून याचा पुढील तपास ठाणेदार भानुदास पिदूरकर यांच्या मार्गदर्शनाखाली पो.ह.सुधीर ज्ञानबोनवार , रणजित मेश्राम करत आहेत.
