भिवापूर तालुक्यात ट्रॅव्हल्स व ट्रकचा भीषण अपघात
चार जणांचा मृत्यू तर 22 जखमी
भिवापूर तालुक्यातील तास गावाजवळील घटना
नागपूर :- ट्रॅव्हल्स व ट्रकच्या भीषण अपघातात चार जण मृत्युमुखी पडले असून तब्बल 22 नागरिक जखमी झाल्याची घटना आज दुपारी साडेबारा वाजताच्या सुमारास भिवापूर तालुक्यातील तास गावाजवळ घडली.
मिळालेल्या प्राप्त माहितीनुसार मां दुर्गा ट्रॅव्हल्स नामक एमएच 49 जे 8616 या क्रमांकाची ट्रॅव्हल्स नागपूर भिवापूर मार्गे मुल ला जात होती. दरम्यान एमएच 31 एपी 2966 क्रमांकाचा ट्रक हा तास बसथांबा नजीक पानटपरी जवळ थांबला होता . दरम्यान भरधाव ट्रॅव्हल्सने ट्रकला जबर धडक दिली. या भीषण अपघातात घटनास्थळीच चार जणांचा मृत्यू झाला असून तब्बल 22 जण गंभीर जखमी झाले आहेत. जखमींमध्ये महिला व लहान मुलांचा ही समावेश असल्याची माहिती आहे. जखमी मधील अन्य काही जणांची प्रकृती चिंताजनक असून मृतांचा आकडा वाढण्याची शक्यता आहे.
