गाईवर वीज पडल्याने गाय ठार
शेतकऱ्याचे अंदाजे ६५ हजाराचे नुकसान
NGP news live
कुही:- तालुक्यातील सिल्ली शेतशिवारात शेतात चरत असलेल्या गाईवर वीज पडल्याने गाय ठार झाली असून गायमालकाचे मोठे आर्थिक नुकसान झाले आहे.
शनिवारी (दि.०८) तालुक्यात ठिकठिकाणी वीजगर्जनेसह तुरळक पाऊस झाला. यातच सिल्ली शेतशिवारातील देविदास शंकर सोनसरे यांची सिल्ली शेतशिवारात शेती असून त्यांनी शेतात गाई चरायला नेल्या होत्या. सायंकाळी ५.३० च्या सुमारास वीजगर्जनेसह पाऊस सुरु झाला. एका गाईवर वीज पडून गाय जागीच ठार झाले आहे. दुधाळू गाईवर वीज पडून गाय ठार झाल्याने शेतकऱ्यावर अस्मानी संकट कोसळले असून त्यात शेतकऱ्याचे अंदाजे ६५ हजार रुपयांचे नुकसान झाले आहे. शासनातर्फे तत्काळ नुकसान भरपाई देण्याची मागणी शेतकरी देविदास शंकर सोनसरे यांनी केली आहे.
