महिला स्वच्छता कर्मचाऱ्यांना सनकोट भेट ; बारसागडे यांचा आगळावेगळा उपक्रम
कुही :- होमगार्ड समादेशक मनोज बारसागडे यांनी त्यांच्या वडिलांच्या स्मृतीदिनानिमित्त इतर खर्च न करता नगरपंचायतच्या महिला स्वच्छता कर्मचाऱ्यांना सनकोट भेट करत समाजापुढे आदर्श निर्माण केला.
स्व. सदाशिव सोमाजी बारसागडे यांच्या स्मृतीदिनानिमित्य त्यांचे पुत्र होमगार्ड समादेशक मनोज बारसागडे यांनी वेगळा खर्च न करता समाजापुढे वेगळा आदर्श निर्माण केला. शहर स्वच्छतेचे काम करणाऱ्या महिला कर्मचाऱ्यांना स्वच्छता करताना जुने शर्ट वापरावे लागत होते. त्यामुळे सोमवारी नगरपंचायत कार्यालयात सर्वांना नवे व उन्हापासून संरक्षण करणारे सनकोट भेट देण्यात आले. यावेळी कुहीच्या नगराध्यक्षा हर्षाताई इंदोरकर , उपनगराध्यक्ष अमित ठवकर , नगरसेवक मयूर तळेकर , सामाजिक कार्यकर्ते संजय इंदोरकर, तुळशीराम झोडापे, मनोज महाजन, वर्षा बारसागडे आदी यावेळी उपस्थित होते .
