अख्खा ट्रकच गेला चालक वाहकासह नदीपुरात वाहून ; उमरेड-गिरड मार्गावरील घटना
नागपूर:-जिल्ह्यातील भिवापुर तालुक्यात येणाऱ्या उमरेड – गिरड मार्गावरील चिखलापार गावाजवळील नदीच्या पुलावरील पुराच्या पाण्यातून ट्रक काढण्याच्या नादात चक्क ट्रकच पुरात वाहून गेल्याची घटना उघडकीस आली आहे.
साडेचारच्या सुमारास उमरेड कडून हिंगणघाटकडे जाणाऱ्या ट्रक चालकाने नदिपुलावर 2 ते 3 फूट पाणी असूनही पुरातून ट्रक काढण्याचा प्रयत्न केला असता पुलाच्या अर्ध्यावर येऊन ट्रक नदीच्या पुरात वाहून गेला. विशेष म्हणजे ट्रकमध्ये बसलेले ट्रक चालक व वाहक सुद्धा पुराच्या पाण्यात वाहून गेल्याची माहिती आहे. नदीच्या दोन्ही बाजूने दोन ते तीन किलोमीटर परिसरात पाणी असल्याने चालक वाचकाचा शोध घेणे कठीण झाले असल्याची माहिती आहे.
