जुगार अड्यावर धाड
५ जुगाऱ्यावर कुही पोलिसांची कारवाई
कुही :- कुही पोलीस ठाण्याच्या हद्दीतील मौजा भोजापूर येथे 52 पानाच्या ताश पत्यांवर हार जितीचा खेळ खेळत असलेल्या अवैध जुगार अड्यावर कुही पोलिसांनी कारवाई करून १७४० रुपयांचा मुद्देमाल जप्त केला आहे.
गणपती बंदोबस्त, जुगार व प्रोव्हिशन रेडकामी पेट्रोलिंग करत असताना मौजा भोजापूर येथे काहीजण रेल्वे कडे जाणार्या रस्त्यावर काहीजण 52 ताश पत्यांचा हार जितीचा खेळ खेळत असल्याची खात्रीशीर मुखाबिराकडून माहिती मिळाली. लागलीच कुही पोलिसांनी पंचासमक्ष धाड टाकली असता त्याठिकाणी ५ जुगारी 52 ताश पत्यांचा हार जितीचा खेळ खेळत असल्याचे दिसून आले. पोलिसांनी ५ आरोपींना ताब्यात घेऊन त्यांच्याकडून 52 ताश पत्ते, डावावर ५३० रुपये व आरोपितांकडून ११६० रुपये असा एकूण १७४० रुपयांचा मुद्देमाल ताब्यात घेऊन जप्त केला आहे. आरोपींविरोधात कुही पोलीस ठाण्यात गुन्हा दाखल करण्यात आला असून सदर कारवाई हि कुही चे ठाणेदार भानुदास पिदुरकर यांच्या मार्गदर्शनात पोउपनि स्वप्नील गोपाले, पो.ह. ओमप्रकाश रेहपाडे,गोकुल सलामे,अनिल करडखेले राहुल देवीकर यांनी केली आहे .
