पुन्हा एकदा केंद्र सरकारपुढे पेच!
दिल्लीच्या दारावर शेतकरी आंदोलनाची पुन्हा दिली दस्तक
शेतकऱ्यांनी पुन्हा एकदा दिल्लीच्या सीमेवर दस्तक दिली आहे. भूसंपादन, शेतीमालाला किमान आधारभूत किंमत (MSP) द्या आणि इतर मागण्यांसाठी उत्तर प्रदेशातील शेतकऱ्यांनी नोएडामध्ये मोर्चा काढला आहे. नोएडा प्राधिकरणाच्या अधिकाऱ्यांशी चर्चा केल्यानंतर शेतकऱ्यांनी 6 डिसेंबरपर्यंत मुदत दिली आहे. नोएडा येथील दलित प्रेरणा स्थळावर हे शेतकरी आंदोलन करत आहेत. शेतकऱ्यांमध्ये महिलांचाही समावेश आहे.

दुसरीकडे पंजाब आणि हरियाणातील शेतकऱ्यांनीही एमएसपी आणि इतर मागण्यांबाबत 6 डिसेंबरला दिल्लीवर मोर्चा काढण्याची तयारी दर्शवली आहे. हे शेतकरी पंजाबच्या शंभू सीमेवर अनेक महिन्यांपासून आंदोलन करत आहेत. नोएडा येथील भूसंपादनासाठी चौपट मोबदला द्यावा आणि 10 टक्के भूखंड द्यावा, अशी शेतकऱ्यांची मागणी आहे.



